April 10, 2011

برج القاهرة


برج القاهرة اصبح من اجمل معالم القاهرة بعد تجديدة
يقع في منطقة الزمالك... مبنى اسطواني الشكل قمته على شكل زهرة اللوتس

قصة بناءه ببساطه ان المخابرات الامريكية كانت بترسل دعم للدول العربيه لمكافحة الشيوعيه
الدعم وصل لحكومة عبد الناصر... في الوقت الي كانت محتاجه فيه لبرج لاستخدامه لاتصالات المخابرات العسكريه
فجمال عبد الناصر امر بان الفلوس دي بدل ما تستخدم في محاربه البلاد العربيه لبعضها يبنى بها البرج
عشان كده يعتبر البرج ده اكبر "لا" للحكومة الامريكيه

البرج يتكون من 16 دور... الدور ال 14 فيه مطعم دوار، بيدور 360 درجة لترى القاهرة كلها من خلاله
تم تجديدة وصيانه من الداخل بصورة مبهرة وده ادى الى ارتفاع الاسعار فيه بطريقه مبهرة برضه


تذاكر الدخول ب
20 جنيه للمصريين
70 جنيه للاجانب
الاطفال اكثر من 6 سنوات تذكرة كاملة
ملحوظة: بياخدوا بالطول
ودي عشان تدخل البرج وتركب الاسانسير
اي حاجه تانيه بالداخل ليها سعر
الاسعار كلها سياحية

المواعيد:
من 9 صباحا الي 11 مساءا

المطاعم:

1- ال "VIP"
وده اغلاهم
ليه اطلاله على القاهرة زي بقيت المطاعم كلها
المنيو بتاعته متنوعه جدا وتحتوى على اصناف عالميه
يقدم الخمور












2- المطعم الدوار
وده مطعم بيقدم غدا وعشا
اصنافه متنوعه اكتر
عليه اقبال بشكل اكبر لانه الوحيد الي بتقدر تشوف منه القاهرة كلها لانه بيلف 360 درجة
لا يقدم خمور












3-مقهى حديقة السحاب Sky garden
ده يعتبر كافيه اكتر منه مطعم بيقدم مشروبات ووجبات خفيفه
يعتبر ارخصهم ولكن اسعاره تظل سياحيه
الخدمة فيه ليست بمستوى باقي المطاعم
لا يقدم خمور













4- مقهى فيلا الزمالك :
المقهى او الكافيه يقع في حديقة البرج في الهواء الطلق
اسعاره ايضا معقوله مثل اي كافيه
يقدم الشيشه والخمور













اخر دور بالبرج وهو يحتوي على التلسكوبات لترى من خلالها القاهرة
يجب ان تحمل معك العملات المعدنيه لان التلسكوب يعمل بها

البرج بيوفر خدمة الاجتماعات والمعارض
وده لازم الاتفاق عليه مسبقا

ولو انتم مجموعه كبيرة ممكن تتصلوا قبل ما تروحوا عشان ممكن تحصلوا على تخفيض على تذكرة الدخول
وفي الاخر ده الموقع الرسمي للبرج ممكن من خلاله تتصفحوا المنيوز بتاعت المطاعم
وكمان تشوفوا صور للبرح من جوة

2 comments:

Mohamed Tayea said...

السلام عليكم يا صاحب المدونة
انا محمد مصمم موقع رحلات مصر ، ولاحظت فى الفترة اللى فاتت من خلال الاحصائيات فى الموقع بتاعى ان فى زوار بيجوا من المدونة بتاعتك ،،، فى افكار كتير ممكن نساعد بعض فيها يا ريت تتواصلى معانا على الايميل
M.NUGGET@GMAIL.COM

Shaimaa said...

شكرا جزيلا على الاهتمام
لكن المدونه لاتزال قيد الانشاء والتطوير
:)